美國有國會議員發起禁制影片分享平台TikTok，公司行政總裁周受資日前出席國會聽證會，承諾會建設防火牆保護美國用戶數據，又否認中國政府曾經透過TikTok取得美國用戶資料。 周受資面對議員多番質疑，佢話，中國政府從來冇問過佢哋拎取美國用戶嘅資料，TikTok從來冇，亦永遠唔會同中國政府共用美國用戶數據，佢又話，會將美國用戶資料儲存喺美國公司。 而有消息話，美國政府要求字節跳動出售TikTok，中國商務部就話，中方堅決反對，涉及技術出口問題，要得到中方批准。